Nok ein gong er eg vorten inspirert av Lise Finckenhagen. Originaloppskrifta ligg her. Kjapp og god biffmiddag!

Ingrediensar

Mør biff
Nykverna svart peppar
1 dl konjakk, eller brandy
1 dl fløyte
2 dl crème fraîche
1 ss ripsgelé
2 handfull bladpersille, hakka
1 stk raudløk
4 stk sjalottløk, store
1 stk purreløk, liten
Brunt sukker
Olje, til steiking
Smør, til steiking
Salt, etter smak

Framgangsmåte

Krydra biffen godt med nykverna peppar og salt.

Skjær løk og purre i skiver. Steik løken blaut og gyllen i smør. Dryss over litt brunt sukker. Legg i purren undervegs, og krydre med salt og peppar. Legg løken til sides så lenge.

Varm opp panna igjen og steik biffen i olje og litt smør, slik at den får steikeskorpe. Steik vidare i omn til kjernetemperatur på 54 gradar.

Hell alt feitt frå panna over biffen, hell konjakken i panna og flamber. Tilsett fløyte og creme fraiche når flammen har lagt seg. Kok sausen til den tjuknar og rør inn ripsgele.

Smak til med salt og peppar og tilsett kjøtsafta (frå biffen). Bland inn persille og legg biffen og løken i sausen. Server med steikte potetar.

Lukke til!

Categories: Festmat